This is a subtitle for your new post

1. 我哋做 QTM PP 嘅時候有時會遇到Classical Economy，古典經濟學究竟有幾古典？佢背後有咩assumptions? 首個ECON每日一篇同您拆佢面紗 2. 古典經濟學啟蒙時代係18世紀中葉，歐洲工業革命之後，崇尚自由經濟，打破固有階級牢鎖，由Adam Smith領頭嘅古典經濟倡導市場有自我收復功能，政府干預只會帶來不必要嘅通縮通脹 3. 所以後期1930年代出現嘅Keynesian Economics 其實係佢股對流，Keynes 嘅時代背景係1929大蕭條，佢覺得工資與價格未能快速應對時代訴求，造成失業與閒置，並認為政府喺調節經濟嘅角色舉足輕重 4. 所以我哋喺經濟自我調節、財政政策及貨幣政策嘅討論之間，就係游走緊兩派唔同嘅經濟學；而喺 QTM ，假如背景設置係喺古典經濟學嘅角度，潛台詞會係經濟已達長期均衡點，如何推高貨幣供應，只會空推升價格水平 跟我一堂學好 👇🏻 MACROECONOMIC PROBLEMS & POLICY

【必操】日圓狂瀉DRQ 1. 7月尾時講過，美國財長刻意將一張寫有買50-100億美金等值日圓嘅MEMO俾媒體影到，曾低見4.8算嘅日圓隨即攀回5算水平，美日聯手捍YEN嘅決心理所當然成為投機者日夜觀察嘅指標 2. 拉返近兩年美國經濟布局去睇，對等關稅控貿易逆差，另一方面再喺談判桌谷美債銷售，目的都係為紓緩息率升幅，同時削弱美金價值達至「合法撇債」；日圓持續沉底可說是與特朗普經濟政策思路「對着幹」 3. 日本為全球美債最大持有人，為救積弱嘅本國貨幣，需要大量減持美債，令美息更為高企；日央行亦因高市政府鉅額財政政策開銷、日本國債債務繁重、中東戰事導致油價飆升等因素，對加息議而不決。隨著美國有可能在年內加息，重新擴闊息差有機會成為輾壓日圓最後一根稻草 【必操】日本結束負利率 4. 今年1月美日曾出聲預警干預、到4月日本干預及至7月美日聯手干預，有一共通點就係但凡有美國參與嘅，當月美息必曾顯著波動，所以美國捍衛日圓並非如TRUMP所講係為了盡與日本嘅友誼，而係睇債息做人，防止日圓無序下挫誘發嘅經濟風險 5. 今夜美息再登高，且看日圓載浮/「再沉」乎 跟我一堂學好 BOP👇🏻 日圓狂瀉DRQ

1. 一班瑞典與香港學者由2023年起透過觀察內地逾2萬6千名初中至高中學生近30個月，研究AI對呢群學生嘅學習影響，毫不意外整體功課分數升18%，而功課平均完成時間亦由64分鐘降至45分鐘，高效高質，萬能AI彷似學習路上神來之筆 2. 但數據終究去到考試變得殘酷，平均成績下降20%，更尷尬嘅係最好成績嘅學生跌幅大過成績差嘅學生，愈用AI用得盡，成績影響更大，研究員指真正學習在於學生認知能力，「外判」功課或解難過程予AI，令傳統訓練方法失效 3. 我諗今日冇人會degrade AI 對學習嘅意義，但處於科技跑得比學制過快嘅時代，我哋要諗應該點教學生用AI先係關鍵所在，用AI提升過程而非直取答案，擁抱解難時嘅果絲frustration，可能係人類勝利嘅分水嶺

1. CREDIT NOTE其實係賣家開俾買家嘅MEMO，為退貨、改錯或折扣作備忘，喺年尾扣返買家所欠嘅結餘，喺BAFS比較多用喺退貨場景，所以同學仔見親CREDIT NOTE，都會郁埋粒RETURN 2. 相反DEBIT NOTE（多數）係買家開俾賣家，同樣因為退貨知會賣家要扣返佢條數，唔講大家未必知，賣家收到DEBIT NOTE後，會開返張CREDIT NOTE俾買家（說明年尾會扣返數） 3. 同學做題覺得棘，好多時唔係唔識兩張NOTE嘅意義，而係唔知當中嘅動詞好重要，因為題目會考多步，間公司當刻係「發出」定「接收」張NOTE係完全兩回事 - 發出CR. NOTE: 公司會 DR. RETURN INWARDS CR. TRADE RECEIVABLE 👉🏻扣返因為退貨所致債仔欠款減少 - 發出DR. NOTE: 公司會 DR. TRADE PAYABLE CR. RETURN OUTWARDS👉🏻扣返因為退貨所致欠債主嘅欠款減少 - 接收CR. NOTE: 邏輯要倒轉，債主扣我數，公司要做嘅係 DR. TRADE PAYABLE CR RETURN OUTWARDS - 接收DR. NOTE:債仔話要還少啲，公司要 DR. RETURN INWARDS CR. TRADE RECEIVABLE 場景要清 先應付得了ERROR 一堂跟我學好錯誤更正👇🏻

唔知27 DSE BAFS 同學仔喺漫長暑假燃起溫書鬥志未😎 忽發其想不如update咗SEC C長題目張路紙俾大家「睇路」再prioritize點起埗👉🏻 1. 純睇pattern 2027似2018格局， incomplete 考咗兩年要抖； partnership 梅花間竹咁隔年考，咁27最像樣會係Limited + Error 2. 26 SEC A、B最終都冇考一條典型Bank Rec（只考了開3 column cash book同啲cheque 名)，連帶25年Bank Rec 「ABS」，溫書策略計27都幾難唔理呢課 3. 8月起始的起心肝用 Limited Co 操起啲final statement操作，用 Error 理清BAFS啲倫理，再刨熟相對易入口嘅 BANK REC ，搶分3寶穩妥✅，再喺新學年拚 costing ，相信都袋咗半粒星落袋

1. 有時同學仔講笑話一落場就舉加紙「擾下敵」，其實公開試嘅所謂敵人從來只有自己。AI世代下，學生其實被賦予咗強大嘅考題分析工具，做到好多阿SIR年代要花費好多時間先做到嘅備試策劃 2. 當局者迷，考生好容易坐落咗一個盲點，學校俾乜嘢material我就盲刨、俾pp我就死挫，時間到了就決一死戰，其實備戰DSE嘅3年我哋有好多趨勢分析、大局嘅洞察係可以做得到，當您預咗好多唔多場景嘅出法，用最定嘅心去應戰，係最得心應手 3. 今朝擺咗2011-2023年Econ p1落AI度分類再睇數據，13年530題題目，有近半（47%）來自4課，廠商與生產、貨幣與銀行、市場與價格、ADAS，如果臨急抱佛腳要排邊課溫先，你有齊數據去決策 4. AI 亦qualitatively分析到近年多咗關於數碼資產、現實熱門政策嘅題型；細化到近年QTM多咗考圖表都洞察得到。FUN FACT係考局喺微觀：宏觀比例，係做到絕對5:5嘅公平極致 5. 同學仔成日問「唔補習考唔考到5**」，作為半個補習佬，可以答你有埋AI，紀律先係你最後一塊拼圖👇🏻 試下每課用我嘅點播精讀課程WRAP UP 返啲必懂知識，再BY TOPIC高效操題 ，高效、低成本、足不出戶都可以挫到孖星

1. 當經濟不景氣 或 過熱時，我們會見到短期均衡點與充分就業水平（長期供應線座落的地方）偏離，長期均衡水平未達，出現通縮差距/通脹差距 2. 此時政府可出招，包括實施 財政政策 或 貨幣政策，透過調節政府支出、稅收或貨幣供應，讓經濟擴張/緊縮，總需求移動，逐步重新達至AD、SRAS、LRAS「三線匯聚」的長期均衡水平 3. 現實上即使政府不出招，經濟體有自我收復功能，當出現通縮差距，生產要素會漸現供過於求的狀況，生產要素價格因此而下降，商家因成本下降受益，短期供應增加，同樣做到「三線匯聚」的長期均衡水平 4. 那何以施行財政/貨幣政策？同傷風感冒一樣，最終可以被時間治癒，但打針食藥快啲好嘛，政府假如對經濟狀況不作為，也可能會惹來民眾不滿，加上用政策控制經濟比等自我收復的確定性高，所以「出招」就變得老是常出現 一堂跟我學好 國民收入 與 物價水平的決定

尋日一口氣寫哂咩體質啱揀BA、咩體質啱揀ECON，個感覺好似阿SIR當年升U第一日O-Day，好多莊會嚟「踢你入會」，尤記得有個叫「水會」，顧名思義，係玩水嘅😎佢嘅賣點係好多靚仔靚女一齊玩水上活動，我望著同行同學流哂口水好想入會咁，我就知入到去個主車群就會係呢啲麻甩仔，所以阿SIR最後冇join，努力讀書1st hon畢業。 講呢段故係想同學明白揀科係一個strategic move，「搞到咁複雜做乜鬼？我中三而已」，有冇發現你學校將啲Econ / BAFS濃縮課程擺中三教，人哋已開始揀蟀；到你中四未完，成績一般，佢就叫你drop咗佢。出生率下降，學校要用公開考試成績卓越嘅tagline收新生，佢用佢跑KPI嘅角度同你分科，你零部署就會被人部署，最後揀咗科「落力為你好，得不到分數」嘅，就一切太遲 （前言都講咗成大篇，下篇真·分析揀科要訣） 👇🏻 1. 興趣： 鍾意嘅嘢先會學得好，例如：你鍾意睇火山、研風向嘅，一定係揀地理。不止一次講，要學好任何學科，研習第一原理，即點解會咁，而唔係老師餵咩俾您您食乜，你先玩得掂考局啲tricky MC。「阿SIR，我都唔知自己興趣係乜！」試下用排除法，一啲您聽到覺得打冷震嘅刪咗佢，剩低冇特別感覺嘅都可揀，配合埋我下面講其他因素去揀 2. 競爭： 阿SIR之前分享過奪星率較高科目，偏重於數理為主，一來佢有絕對答案、二來勁人鍾意理科出路多，雖然多人攞星，但競爭大適合由細到大數理超強，第時又想向醫學、護理業發展嘅學生。奪星率榜兩個極端，一端係叻嘅mass，一端係叻嘅specialist，如果喺藝術、音樂有專長，就算低奪星率，呢班人都會自動埋位。假如你正係唔揀數理、冇特別專長，建議考慮奪星率中上游科目（ECON & BAFS都算係） 3. 將來： 只係用現時處境去諗會有好多盲點，好似YouTube啲演算法咁，你溫書時睇開阿SIR啲片，YouTube以為您好鍾意，考完試都係咁feed俾你，「好鐘意」原來都要睇場景，我揀科好鍾意嘅歷史，到大學以至出到嚟做嘢有乜嘢實質作用？講到歷史好似冇用咁，其實阿SIR Alevel係讀史，喺無盡嘅essay操練，佢訓練到我英文writing、邏輯鋪陳，同埋喺淹沒資料海中如何極速spot到重點，所以揀科要諗埋你想成為一個點樣嘅人，而果科點訓練到您；另外，假如你想大學讀business，條路最順一定係學齊Econ + BAFS，因為上到去BBA你第一年都係學返同一樣嘢，屈著分咁去，開咗個靚頭，有時順暢令你有信心去更高嘅高度 4. 資源： LAST BUT NOT THE LEAST，一個學科資源多唔多同佢報考人數有絕對關係，YouTube多唔多人教、多唔多試題可參考、多唔多同學仔討論，呢啲因素都好重要，AI 世代，學習已經係beyond classroom嘅事，你喺每一個面向對學科嘅互動都提升緊您該科嘅認知與應用，所以如果唔係有特別專長，要盡泊大科 5. 最後最後，「阿SIR你當年咁有目的去揀科？」，坦白講都係憑感覺，寫埋心得出嚟，係俾大家有更透徹angle做更好嘅選擇 揀定ECON / BAFS，就是要有 雙商升星點播精讀課程